વડોદરા નજીક બાજવા વિસ્તારમાં ઓવર બ્રિજની બાંધકામમાં ભારે ગોલમાલ થઇ હોવાનો કિસ્સો સામે આવ્યો છે. વડોદરા પાસે બાજવા ઓવર બ્રિજના લોકાર્પણને હજી ત્રણ મહિના જેટલો જ સમય થયો છે ત્યાં તો તેમાં ગાબડું સામે આવ્યું છે. જેને લઇને કોન્ટ્રાક્ટર દ્વારા કરવામાં આવેલી નબળી કામગીરી લોકો સમક્ષ ખુલ્લી પડી જવા પામી છે. આ ઘટના અંગે ભાજપના ધારાસભ્ય ધર્મેન્દ્રસિંહ વાઘેલા મેદાને આવ્યા છે. તેમણે સ્પષ્ટ જણાવ્યું કે, આ બ્રિજના કામની જ્યાં જ્યાં ક્ષતી દેખાય, તેનું ચેકીંગ કરીને, જ્યાં સુધી તપાસ પૂર્ણ ન થાય ત્યાં સુધી કોન્ટ્રાક્ટરનું બીલ અટકાવવામાં આવે તેવી ટેલીફોનીક સુચના આપી છે. રૂ.34 કરોડના ખર્ચે બનેલા ઓવરબ્રિજની માહિતી બાદ વાઘોડિયા વિધાનસભાના ધારાસભ્યએ કોન્ટ્રાક્ટર વિરૂદ્ધમાં મુખ્યમંત્રીને પત્ર લખીને રજુઆત કરી છે.
