અમદાવાદ : પૂર્વ વિસ્તારમાં સગીરાનું અપહરણ કરીને કૂકર્મ કરવાના કિસ્સા વધી રહ્યા છે. ચાંદલોડિયામાં રહેતી સગીરાને વિધર્મી યુવકે પ્રેમજાળમાં ફસાવી હતી અને લગ્નની લાલચ આપીને જમાલપુરથી અપહરણ કર્યું હતું અને ગાંધીનગર પાસે એક ગામમાં લઇ ગયો હતો જ્યાં આરોપીએ સીગરા સાથે દુષ્કર્મ આચર્યું હતું અને બીજા દિવસે પાલડી ખાતે ઉતારીને નાસી ગયો હતો. આ બનાવ અંગે ગાયકવાડ હલેવી પોલીસે પોક્સો અપરણ સહીતની કલમ હેઠળ ગુનો નોંધીને આરોપીની ધરપકડ કરી વધુ તપાસ હાથ ધરી છે.
મહિના પહેલા મુલાકાત થઇ વાતચીતથી પ્રેમમાં પડયા ઃ ગાંધીનગર પાસે લઇ જઇને શારિરીક સંબંધ બાંધ્યો, હવેલી પોલીસે આરોપીની ધરપકડ કરી
ચાંદલોડિયામાં ૧૫ વર્ષની સગીરાની માતાએ ગાયકવાડ હલેવી પોલીસ સ્ટેશનમાં ગાંધીનગર જિલ્લાના ગામમાં રહેતા અને ઘોડાગાડી ચલાવતા વિધર્મી યુવક સામે ફરિયાદ નોંધાવી છે કે મહિના પહેલા સગીરાને તેના મિત્ર દ્વારા યુવક સાથે મુલાકાત થઇ હતી. ત્યારબાદ ફોન નંબરની આપ-લે કરીને વાતોથી એક બીજાના પ્રેમમાં પડયા હતા.
બીજીતરફ તા. ૩૧ જુલાઇેએ યુવકે સગીરાને જમાલપુર ફૂલ બજાર પાસે મળવા બોલાવી હતી અને ત્યાંથી તેને રિક્ષામાં બેસાડીને ગાંધીનગર નજીકના ગામમાં એક મિત્રની ઓરડીમાં લઇ જઇને સગીરા સાથે દુષ્કર્મ આચર્યું હતું બાદ બીજા દિવસે આરોપી સગીરાને પાલડી રિવરફ્રન્ટ ઉતારીને જતો રહ્યા હતો. બીજી તરફ સગીરાના પરિવારજનો એ શોધખોળ કરતા હતા અને અચાનક સગીરા ઘરે પહોચી હતી જેથી પૂછપરછ કરતા હકીકત જણાવી હતી. આ અંગે સગીરાની માતાએ શખ્સ સામે ગાયકવાડ હવેલી પોલીસ સ્ટેશનમાં ફરિયાદ નોંધાવતા પોલીસે આરોપીની ધરપકડ કરી વધુ તપાસ હાથ ધરી છે.
